Սկսած 2023 թվականի հունիսից՝ Mathemagic School-ը Լոռու մարզի Վահագնի համայնքում երեխաներին հնարավորություն է տալիս ստանալ բարձրորակ մաթեմատիկական կրթություն և սովորել անգլերեն։ Ժամանակակից միջոցների և նվիրված ուսուցիչների շնորհիվ դպրոցն օգնում է երեխաներին խորացնել մաթեմատիկայի գիտելիքները և զարգացնել գործնական հմտությունները։Ներկայումս դպրոցն ունի 15 աշակերտ։Մենք նաև ժամանակ առ ժամանակ հյուրընկալում ենք արտասահմանից կամավորների, որոնք անգլերենով դասավանդում են մաթեմատիկա երեխաներին և ունենում են զրույցներ, լեզվի մակարդակը բարձրացնելու համար։

Ծրագիրը մեկնարկել է 2021 թվականին՝ նպատակ ունենալով հաղթահարել 2020 թվականի պատերազմի և Արցախում շարունակվող շրջափակման հետևանքով առաջացած կրթական լուրջ խափանումները։ Ծրագրի չորս փուլերի ընթացքում, այն կապել է Արցախից ավելի քան 300 սովորողների՝ 100 նվիրված կամավոր ուսուցիչների հետ՝ առցանց դասերի և արտադասարանային մեթոդների միջոցով։ Այս հանդիպումները ոչ միայն ընդգրկել են տարբեր ուսումնական առարկաներ, այլև ապահովել են էմոցիոնալ աջակցություն և կայունություն դժվար ժամանակներում։ Վերջին երկու տարիների ընթացքում ծրագիրը փոփոխվել է․ այժմ այն ընդգրկում է սովորողներ Հայաստանի տարբեր մարզերից, Ջավախքից, ինչպես նաև Արցախից տեղահանված երեխաներ։ Ծրագիրն իր նպատակին հավատարիմ շարունակում է լրացնել կրթական բացերը և ապահովել յուրաքանչյուր երեխայի կրթվելու ու զարգանալու իրավունքը՝ անկախ հանգամանքներից։

Իրականացվել է Լոռու մարզի Տաշիրի և Ստեփանավանի շրջանների գյուղաբնակ երեխաների համար։ Սովորել են մաթեմատիկա, ծրագրավորման հմտություններ և անգլերեն:

Մեկնարկել է 2021 թվականի սեպտեմբերին, իրականացվել հիբրիդային ձևաչափով Լոռու մարզի թվով 50 երեխաների մասնակցությամբ։ Սովորել են մաթեմատիկա, ծրագրավորման տարբեր լեզուներ (Scratch, Kturtle, JS, C#), անգլերեն, ունեցել են 10 ուսումնաճանաչողական այցելություններ։

Մեկնարկել է 2022 թվականի հունվարից: Լոռու մարզի 50 երեխաներ սովորել են ծրագրավորման տարբեր լեզուներ, մաթեմատիկա, գրաֆիկ դիզայն, SMM:

Ծրագրի շրջանակներում Լոռու մարզի 60 գյուղաբնակ երեխաների համար իրականացվել է դասընթացներ, որոնց ընթացքում երեխաները սովորել են`մաթեմատիկա, ծրագրավորման տարբեր լեզուներ, անգլերեն, թվային հմտություններ, թիմային հմտություններ, կրակային պատրաստություն:

«Հերոսիս երազանքը»-ի ծրագրի շրջանակներում, 2020 թվականի արցախյան պատերազմի ընթացքում զոհված զինծառայողների հարազատների երեխաներն անվճար հիմունքներով ստացել են ոչ ֆորմալ կրթություն մաթեմատիկա և անգլերեն առարկաներից և հոգեբանական աջակցություն:

2022-23-ին կազմակերպել ենք մաթեմատիկայի օր-փառատոններ Լոռու մարզի 5 գյուղական համայնքներում (Կուրթան, Լեռնապատ, Լեռնավան, Մարց և Վահագնի)։ Հանդիպումների ընթացքում երեխաները մաթեմատիկան փորձել են դիտարել այլ կողմից և ավելի շատ կարևորություն տալ վերջինիս, բացի այդ երեխաներին և վերոհիշյալ գյուղական բնակավայրերի դպրոցներին տրամադրել ենք մաթեմատիկային վերաբերվող գրքեր, խաղեր և նվերներ։